يمه ... هَيّن ...!!
الهوى بعيون ولدك صار بيّن
كيف اخبي ...!إنتي من جِدك يا يُمه
وانا وليدك
وقلبي وردي ... وصغَـيّر ... ولَيّن
ايه احبها ...!!
يعني هذا اللي تبينه .
كيف اخبي وهذا دربي ...!والهوى مكتوب من ربك وربي
يوم شفتها
متكشخه ... ومتعطره ... ومتزينه
طاح كاسي
فدوتها راسي ... وناسي
مو بكيفي ...!!
يُمه جننتي بـ حنانها
ما تخون
الهوى عندها امانه
وريحة انفاسها دخون
مو طبيعيه هالبنت من جد يُمه
فيها ذوق ... وفيها شوق ... وفيها للعشاق عوق
يُمه يسلم لك حبيبك
والله نَسَاني حليبك 00أيه ورب الكون يُمه
يُمه لو تدرين عنها ...
قلتي لي فالك حبيبتك
ايه احبها
ايه يمه
اييه اموت برعشة شفاتها واذا تسمح الَّـمّها
سامحيني لو حلفت إني لَـ " لِـمّها "
مو بكيفي
وضحكتها خمريه ... وكيفي
مو طبيعيه
هالبنت عمري وربيعي
وفوق هذا صارت شاعره ..
والله فعلاً مو طبيعيه
إن عشقت كلها جنون
وإن حكت كلها فنون
على راسي ما تهون
إيه يُمه
إيه احبها
واعصر ضلوعها واضمها
وانتشي من ريحة انفاسها ... " واذا تسمح اشمها"
خلت لعيوني كثير من الاولاد ... على شاني
خلت خالد وخلت فيصل وخلت نواف
اييه يُمه
وخلت نايف ولد خالها ...
وخلت محمد ولد عمها
اللي ابوه اخو ابوها ... ودمه هو نفس دمها
باعتهم لعيون ولدك ... واشترتني ...
شفتي يُمه ...!وآنا اراها إنها غرامي ... وهي بعد مثلي تراني
قالت لي مَرة اناظر ...
قلت حاضر
يا الله ناظري
يوم ناظرتني بكيت
ما تحملت الهوى بعيونها السوداء وشكيت
قالت :ابوسك ...
قلت :تعقلين ... وإلا احوسك ...
قالت :انا اقصد على السنة
قلت: ليت
قالت :والله لآخذك قدام اخوك ...
بعد ما تربط يديني في يدينك بأمر ابوك
قلت : تبطين ...؟
قالت : لا لا
قلت : لو ابطيت جيتك
قالت يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك
وإن خطبتها لا تردوني يا يُمه ...
آنا ابيها
قولي ( تم )لا تخلين العُمر يمشي الم ها يا يُمه ...
الرئيسية 
السبت أبريل 04, 2009 3:40 pm
